Wunu ndo Mwaha wa Heri Nasi. Karidja rosheya ma djumbe na ma djumba. Na wuteza no wanamwari no wats.Abdurahman Shekh Aali. Ze haki piya zihafadhulwa.
Wunu ndo Mwaha wa Heri Nasi
Ri djuha ri swali ye asubuhi na trasi,
Ye djamaya ho msrini wa Salmata Hamisi.
Ri zunguwa ho Shashanyongo no Zawuyani ya Fasi.
Ri pvwa radhi ni Mdjasiri Kononde la Mwazi na Mmwasi.
Wunu ndo Mwaha wa Heri Nasi.
Ngari djo uwadi rizambe hadisi,
Rilise, rinose, rilihe ye arusi.
Mlashahahe kana umeya na msisi.
Mhadaliha ha mkabaya wa djosi.
Wola Mgangi sha kamtsu hisi.
Kaba Ra'asi ngwendo no djitra hasi.
Nam swibiri, si rarwe heri tsasi.
Rila hule nga rendo huleni.
Ri rwara ma djando no ngarandzo zendza nazi.
Nga mtseho no warudi ho gulini.
No wandzawo ye ndjizi ya Unkazi.
Karidja rosheya ma djumbe na ma djumba,
Na wuteza no wanamwari no watsumba.
Siyasa tsi roho ya nkutsu na shandza sho meleya.
Mlezi nde wudjo mwiso wa ndrongowo, wupvamo shewo na haya.
Lyon, tareh Montsi ya Muharram 1444, 30 juliyeti 2022
Abdurahman Shekh Aali. Ze haki piya zihafadhulwa
COMMENTAIRES