Naremwa hamba ba katsina shawiri

Hadji pveha dja ndrerema homdjini Pari. Kwadja mlalika, hadji vumbiha hawuka yena giri. Balozi mfarantsa hamba zindrw.Naremwa hamba ba katsina shawiri

NAREMWA HAMBA, BA KATSINA SHAWIRI

Hadji pveha dja ndrerema homdjini Pari.

Kwadja mlalika, hadji vumbiha hawuka yena giri.

Balozi mfarantsa hamba zindrwadji hawutrawa le kahari.

Yatsidjo lila, hazimbisa ye maravu dja mwanamwari.

Havuriziwa ho dingoni nowaka wuhala ye ziri.

Hule ne bwana harusi ne ma waziri.

Ye ntsi hayisisi ntsini mwe ze kasiri

Naremwa hamba ba katsina shawiri.

Ye shuhuli pvo yahisa hadjuha ha mbwiri.

Harambiyo hadja hahimi pvohari .

Lewo kanazidjuwawo ngudji fahari.

Hari ye mhodari wa masahiri.

Owa Farantsa ngwawona usiwu kwatsu kiri.

Ngamdjo hwereya dadilahe na fundi kitmiri.

Pvaho unisayidiye ye mwana yarenge she hiri.

Gwa dzima 2024 iyo nde Faktwiri.

Owa nihozawo ndo walo Komori

Sahare na subayiya na dragila zidjaze magari.

Hwenda Hahaya, wa mrenge há magoma na matari.

Wa rengwa no wana yisa, na djamwa mfutsanu na djini bahari

Hari ngwalawo opvawungwa, kwatsu swibiri.

Bayishe pva holelewa putu na sibiri.

Na mle hamwemwewu, mtsi kalwa, mtsile msumari.

Nyi ndo wananyasi mtsife , mtsundrwa ni shari.

Ye ntsi ne wombelwa duwa na swadaka siri.

Ri pvesheye MGU baruwa yatsu andzihwa há mbwiri.

Ya risamihi repve zembi za hatwari

ya ripve ukinayivu no wusubuti wa Mdjasiri.

Liyo, 17 julieti 2022

Abdurahman Shekh Aali Adam Mdjasiri. Ze haki piya zihafadhulwa