Ha redjeyi ye mdrumshe djumwa uswali suna na ufunga. Ha mwambiya ukaya "tsidjo redjeyi maruvu enge ndja wa songa" Kadja fuzu hawukaya ye.LINU TRANGA !
LINU TRANGA !
Ha redjeyi ye mdrumshe djumwa uswali suna na ufunga.
Ha mwambiya ukaya "tsidjo redjeyi maruvu enge ndja wa songa"
Kadja fuzu hawukaya ye mhara, shehitswa sho nanga.
Yinu nde mana yentsu nkuwu, yandjiya harumwa le panga.
Shinu shika sha manyahule ye shiwunga.
Hadji milikisha yene mdrumshe, ngwa tsungo ura bonga.
Ngurengo ye ziyazi, ye madjimbi, bahata ze ntsonga.
Ngari lalawo refa nandzaya, pvawo wedjaza le ka'anga
Ye shahatru kashitsu rifayi, bahata le sanga.
Ra ngamiya, lewo nguno hayini utsudjwa utsunga.
Ye wutso mwidzi hama ndawo, ha rendwa mwendza shonga.
Zinu ndeze kweli, ntsu trunga.
Marentsi ha ndjiya nvi utrotroni hawutso tanga.
Ra mtsana, ra masihu ngu babandrano no ulanga.
Pvahe mka pvema ngwandzo ya tsangiwa raha ye dja tsanga.
Ngwandzo ya vune raha yedja wala, linu tranga !
Liyo, 14 julieti 2022
Abdurahman Shekh Aali. Ze haki piya zihafadhulwa
COMMENTAIRES