Kwa tsudjwa aya eka tsi ndiyo

Ngwa tsungo uri shinda nkalizi na kiyo. No yinu maha ya wuwaza, ko zikiriyo. Ze ndrabo zahawo zi dungu hama pbiyo. Nendo.Kwa tsudjwa aya eka tsi ndiyo

KWA TSUDJWA AYA EKA TSI NDIYO

Ngwa tsungo uri shinda nkalizi na kiyo.

No yinu maha ya wuwaza, ko zikiriyo.

Ze ndrabo zahawo zi dungu hama pbiyo.

Nendo zamba piya, zidjo djaza shiyo.

Hayini usiku ye Emerdjosi tsiyo!

Nwawo wa baliya siyasa ya mdjivuriyo.

Ye ndjizi ngwanwawo haruma siyo.

Nyi mmwa waniyawo mbiri yiyo.

Wananyasi wendji wawa sasanya ze nkomiyo.

Owa saya karitsu wadjwa nfiyo.

Na mrentsi dhuluma baye duniya ngayendo mbiyo.

Ri warongoza hata. Ko wishiyo.

Wa nduzawo ngwa rohitswa ra mtsana ra djiyo.

Sha ritsi zambe, ba ye damu ngedjo wutira hama tiyo.

Udjabbari na dhuluma. Owanatutu ngwarendwawo ziyo.

Sha na mtweyi mfawume. Kwa tsudjwa Aya eka tsi ndiyo.

Liyo, 4 utu 2022

Abdurahman Shekh Aali. Ze haki piya zihafadhulwa